Qo‘llanma Google Chrome misolida tayyorlangan. Chromium asosidagi ayrim brauzerlarda tugmalar nomi yoki joylashuvi biroz farq qilishi mumkin.

1. Kengaytma sahifasini oching

BSB Tahlilning Chrome Web Store sahifasini oching va o‘rnatish tugmasini bosing. Rasmda brauzer rus tilida, shuning uchun tugma “Установить” deb ko‘rsatilgan.

Chrome Web Store sahifasidagi BSB Tahlil va o‘rnatish tugmasi — Chrome Web Store’da BSB Tahlil sahifasi va o‘rnatish tugmasi.

2. Ruxsatlarni tasdiqlang

Chrome kengaytma eMaktab jurnalidagi ma’lumotlarni o‘qishi uchun kerakli ruxsatlarni ko‘rsatadi. Domenlar emaktab.uz va schools.emaktab.uz ekanini tekshiring, so‘ng kengaytmani o‘rnatishni tasdiqlang. Ma’lumotlar bilan ishlash tartibi maxfiylik siyosatida izohlangan.

Chrome brauzerida BSB Tahlil ruxsatlarini tasdiqlash oynasi — Chrome ko‘rsatgan ruxsatlar oynasi.

3. Kengaytmalar menyusini toping

O‘rnatish tugagach, brauzerning yuqori o‘ng qismidagi boshqotirma shaklidagi kengaytmalar belgisini bosing. BSB Tahlil belgisi shu panelda ko‘rinadi.

Chrome panelidagi BSB Tahlil belgisi va kengaytmalar menyusi — O‘rnatilgan kengaytma va kengaytmalar menyusi.

4. Panelga mahkamlang

BSB Tahlil qatoridagi mahkamlash belgisini bosing. Shundan keyin kengaytma belgisi doim manzil satri yonida turadi va jurnal sahifasidan tez ochiladi.

Chrome kengaytmalar menyusida BSB Tahlilni panelga mahkamlash — Mahkamlash belgisi bosiladigan joy.

5. eMaktab jurnalida oching

eMaktabda kerakli jurnalni ochib, paneldagi BSB Tahlil belgisini bosing. Popup sinf, fan, chorak va o‘quvchilar sonini jurnaldan oladi. Agar bu ma’lumotlar chiqmasa, sahifa to‘liq yuklanganini va to‘g‘ri jurnal ochilganini tekshiring.

O‘rnatish tugadi. Endi popupda imtihonni tanlash va jurnal ma’lumotlarini tekshirish mumkin.

Yangilashdan keyin jurnalni qayta yuklang

Yangi versiya o‘rnatilgach, oldin ochilgan eMaktab jurnalini qayta yuklab, kengaytmani qayta oching. Versiyani brauzerning kengaytmalar boshqaruvi sahifasidan tekshirish mumkin. Ruxsatlar so‘ralsa, qaysi saytlarga tegishli ekanini ko‘rib chiqing.

Bonus yoki litsenziya holati o‘rnatishdan alohida: bonus olish va litsenziya qo‘llanmasidan foydalaning.

Kompyuter va mobil qurilmada o‘rnatish yo‘lini ajrating

Ushbu rasmlar kompyuterdagi Chrome uchun. Android telefon va planshetda Titanium, iPhone va iPad’da Orion ichida kengaytmani o‘rnating. eMaktab jurnalini ham aynan kengaytma o‘rnatilgan brauzerda oching. Brauzerni o‘rnatishning o‘zi BSB Tahlilni unga avtomatik qo‘shmaydi.

Mobil qurilmaga o‘rnatish tartibi