BSB Tahlil haqida ko‘p beriladigan savollar
O‘rnatish, BSB va CHSB, bepul Excel, imkoniyatlar, bonus, choraklik va solishtirma hisobot bo‘yicha javoblar.
Yangilandi: · 2.14 imkoniyatlari bo‘yicha
Savol-javoblar
BSB Tahlil nima qiladi?
eMaktab jurnalidan sinf, fan, chorak va o‘quvchilarni olib, BSB/CHSB topshiriq ballarini kiritish, jurnal bilan solishtirish, tahlil va Excel tayyorlashga yordam beradi. Choraklik, Progress va 2.14’dan solishtirma hisobot ham mavjud.
Ishni nimadan boshlayman?
Kengaytmani rasmiy do‘kondan o‘rnating. eMaktabda tegishli jurnalni ochib, sinf, fan va chorakni tekshiring, imtihonni tanlang. Boshlash qo‘llanmasi
CHSB va B/Q/M uchun ham ishlaydimi?
Ha. CHSBni tanlab, individual test javoblari yoki B/Q/M yig‘indisi bilan ishlang. Savol maksimumlari va yo‘nalishlarni tekshiring. Bog‘langan katalog juftligi mavjud bo‘lsa, Test va B/Q/M bitta imtihonning ikki ko‘rinishi bo‘ladi. CHSB tartibi.
1 va 0 tugmalari nimani bildiradi?
«Har bir test» usulida 1 — to‘g‘ri, 0 — noto‘g‘ri, Delete — bo‘sh javob. To‘g‘ri javob savolning maksimal ballini beradi; bu har doim 1 ball emas. Oddiy topshiriq katagidagi 0 esa kiritilgan nol ballni bildiradi.
Bo‘sh katakni nol bilan to‘ldirsam bo‘ladimi?
Natija haqiqatan nol bo‘lsagina 0 kiriting. Bo‘sh katak hali natija kiritilmaganini bildiradi. Test javoblarini yoki topshiriq ballarini faqat umumiy jurnal ballidan taxminan tiklamang.
Asosiy Excel bepulmi?
Ha. Asosiy oynadagi «Excel yuklab olish» ball kiritish jadvali, jami va foizlarni beradi, boshlang‘ich imkoniyat yoki bonusni sarflamaydi. To‘liq Excelning qo‘shimcha statistika, diagramma va reyting varaqlari faol pullik litsenziyaga bog‘liq. Bepul imkoniyatlar
Dastlabki 3 ta imkoniyat qachon tugaydi?
Boshlang‘ich 3 ta imkoniyat muddatsiz. Tahlil oynasidan Excel yuklash va kengaytmadan chop etish alohida imkoniyat sarflaydi. Masalan, avval eksport, keyin chop etish — ikkita amal. Oynani ochishning o‘zi qoldiqni kamaytirmaydi, lekin kirish holati tekshiriladi.
Bonusni qanday olaman, nega tugma ko‘rinmaydi?
Boshlang‘ich imkoniyatlar tugagach, «Bonus olish»dan botga o‘ting, shartlarni bajaring va kengaytmaga qaytib hisobni tasdiqlang. Faol litsenziya yoki boshlang‘ich qoldiq borligida taklif yashiriladi. Bonus miqdori va muddati oynada; ishlatilmagan bonus yig‘ilmaydi. Bonus yo‘riqnomasi
Litsenziya narxini va holatini qayerdan tekshiraman?
Amaldagi narx va to‘lov ma’lumotlarini kengaytma hamda rasmiy botdan tekshiring. To‘lovdan keyingi admin tasdig‘i va holat yangilanishi litsenziya qo‘llanmasida tushuntirilgan. Eski aksiya postlaridagi narxni amaldagi narx deb qabul qilmang. Litsenziya olish
Choraklik hisobot bilan CHSB tahlili farqi nima?
CHSB tahlili bitta ish va uning topshiriqlariga tegishli. Choraklik hisobot bitta jurnalning BSB jami, CHSB, FB, jami ball va chorak bahosini jamlaydi; «Qo‘shimcha imkoniyatlar»dan ochiladi. Choraklik hisobot
Progress hisoboti nima, u bepulmi?
eMaktabning tegishli Progress hisobot sahifasi tanilganda «Progress hisobotni yuklash» ko‘rinadi. Asosiy oynadagi bu eksport limit sarflamaydi. U bitta fan uchun choraklik hisobotdan alohida jarayon.
Ikki chorakni qanday solishtiraman?
2.14 yoki yangiroq versiyada «Qo‘shimcha imkoniyatlar»dan har ikki chorak jurnalini navbat bilan solishtirmaga qo‘shing, keyin hisobotni ochib chorak juftligini tanlang. Nusxalar shu brauzer va qurilmada saqlanadi; jurnal yangilansa, uni yana qo‘shing. Solishtirma hisobot qo‘llanmasi
Chala ishni davom ettira olamanmi?
«Chala Exceldan davom etish»dan foydalaning. Importdan keyin sinf, imtihon, usul, maksimumlar va ballarni qayta tekshiring. Ball kiritish qo‘llanmasi
Excel va PDF qayerga saqlanadi?
Excel brauzer belgilagan yuklamalar papkasiga saqlanadi. PDF uchun «Chop etish» oynasida «PDF sifatida saqlash»ni tanlang; imkoniyat qurilmaga bog‘liq. Sarlavha, ustunlar va sahifa sonini oldindan ko‘ring. Eksport qo‘llanmasi
Telefon va planshetda ishlatish mumkinmi?
Mos brauzerda kengaytmani o‘rnatib foydalanish mumkin. Android uchun Titanium, iPhone/iPad uchun Orion bosqichlari mobil qo‘llanmada berilgan. Jadvalda gorizontal holat qulay; mobil o‘rnatish videolari tayyorlanmoqda. Mobil qo‘llanma
Jurnal yoki tayinlangan hisob haqida xato chiqsa nima qilaman?
Kerakli jurnalga tayinlangan hisobga kiring, kengaytmani yangilang va jurnalni qayta yuklang. Sinf, fan, chorak va guruhni tekshiring. Xabar qolsa, qurilma, brauzer, versiya va xato matnini yordam guruhiga yuboring. Muammolar yechimi.
Ma’lumotlar qanday ishlatiladi?
Excel qurilmangizda shakllanadi. Litsenziya, bonus va hisob holatini tekshirish xizmat bilan aloqa talab qiladi. Solishtirma jurnal nusxalari brauzerda saqlanadi. Tafsilotlar maxfiylik siyosatida. Ochiq yordam guruhiga shaxsiy ma’lumotlarni yubormang.